Yangiliklar Sahifasi

tabrik tabrik tabrik

🌷Ayol borki, olam munavvar!

Yangilanish faslining nafosat bayrami “8 – mart Xalqaro xotin-qizlar kuni” mamlakatimizda har yili keng nishonlandi.  Shu munosabat bilan Oʻzbekiston davlat filarmoniyasi Surxondaryo viloyat boʼlimi erkaklar jamoasi erta tongdan binoga kirish qismini qizil yo‘lakcha va gullar bilan bayramona bezatishdi. Sovg‘a sifatida olib kelingan atirgullarning ifori yangrayotgan kuy bu kunga haqiqiy bayram shukuhini berdi. Oʻzbekiston davlat filarmoniyasi Surxondaryo viloyati boʻlimi direktori Xurmatov Sherzod Shuhratovich xotin-qizlarning jamiyatdagi mavqei, soha rivojiga qo‘shayotgan hissasini alohida e’tirof etdi va jamoadagi ayollarni “8 – mart Xalqaro xotin-qizlar kuni” bilan samimiy tabrikladi. Shuningdek, boʻlinma yuristi A.Boltayev ham xotin-qizlarning fidokorona mehnati, erishgan ulkan yutuqlari, faolligi, ibratli fazilatlarini yuksak baholab, jamoadagi ayollarni bayram munosabati bilan tabrikladi.

Orqaga
logo_footer

Flarmoniya Bo'limining asosiy vazifalari quyidagilar:
Milliy mumtoz va zamonaviy musiqa hamda raqs san'atini ilg'or yutuqlar asosida rivojlantirish;
Aholining musiqa va raqs san'atiga bo'lgan ma'naviy ehtiyojini lektoriy, konsert ishlari hamda musiqiy-ma'rifiy ishlar orqali shakllantirish va qondirish;
Musiqa va raqs san'ati sohasidagi ijodkorlarning samarali ish yuritishi uchun shart-sharoitlar yaratish;
Musiqa va raqs san'atidagi yutuqlarni O'zbekistonda va xorijda targ'ib qilish;
Davlat filarmoniyasi bo'linmasi repertuarini milliy va xorijiy mumtozning eng sara namunalari bilan to'ldirish;
Musiqiy-ma'rifiy ishlar orqali barkamol shaxsni shakllantirish, aholini estetik va axloqiy tarbiyalash, iste'dodli yoshlarni qo'llab-quvvatlash va rag'batlantirish;
Barcha turdagi va janrdagi musiqa hamda raqs san'atini faol targ'ib qilish, ularni radio va televidenie, boshqa ommaviy axborot vositalari orqali, shu jumladan internet tarmog'ida ommalashtirish;
Aholini madaniy hayotga jalb etish maqsadida ularning barcha qatlamlari uchun konsert tadbirlariga borish imkoniyatlarini ta'minlash;
Musiqa va raqs jamoalari hamda ijrochilarining badiiy darajasi va kasb mahoratini takomillashtirish. Filarmoniya bo'linmasi Vohamizdagi barcha ommaviy-madaniy konsert-tomosha tadbirlarida madaniy xizmat ko'rsatadi.

Ma'lumot uchun:   +998970603883

Manzil: Termiz shahar, Istiqlol ko'chasi, 26-uy.